A Coruña, 1 de marzo de 2016.- A Aula Compañía de Tranvías da Universidade da Coruña organiza a Xornada sobre Sistemas de Xestión do Transporte Urbano, que se celebrará no Paraninfo da Universidade da Coruña o mércores, 9 de marzo de 2016, de 9:30 a 14:15 horas. Esta mañá presentouse en rolda de prensa a Xornada nun acto que tivo lugar na Reitoría e no que estivo o vicerreitor de Política Científica, Investigación e Transferencia, Salvador Naya, o director da Compañía de Tranvías, José Ignacio Prada, e a directora da Aula Compañía de Tranvías da UDC e profesora da Escola Técnica Superior de Enxeñaría de Camiños, Canais e Portos, Margarita Novales.