Permanecer sentada/o moitas horas é causa de diferentes problemas de saúde. O programa "Pausa en Movemento" da Área de Deportes baséase na realización de breves rutinas, guiadas por unha educadora físico-deportiva, duns 15 min. aprox. de duración, de exercicios sinxelos que se poden realizar de forma rutineira na propia oficina, sen necesidade de material. Búscase involucrar a musculatura máis afectada polo postura diante do ordenador. Este programa pretende axudar a evitar tensións e molestias corporais, eliminar o estrés e mellorar a atención e a concentración.